Pse e largoi Taulant Ballën? Ja si përgjigjet Rama

Kryeministri Edi Rama i ftuar në ‘Opinion’ përballë një paneli gazetarësh ka folur për qeverinë e re dhe për ndërrimet e pozicioneve brenda partisë.

Ishte vetë Rama i cili fillimisht deklaroi se peshën në qeverie dhe në politikë e vendosën zgjedhësit me votën e tyre.

Por kur gazetarët e pyetën se përse largoi deputetin më të votuar, Taulant Ballën, nga pozisioni i Sekretarit të Përgjithshëm, si dhe si drejtues të Qarkut të Elbasanit, Rama tha se e kishte fjalën për peshë skuadre dhe jo individuale.

Ndërkohë Rama tha se një tjetër arsye për largimin e Ballës nga posti i sekretarit e bëri për të transformuar partinë.

Pjesë nga debati:

Rakipllari: Ju zoti Rama thatë se peshën politike e përcakton zgjedhësi, ndërkohë që ju deputetin më të votuar ju e hoqët, duke e larguar nga posti i Sekretarit të Përgjithshëm?

Rama: Kur thashë që peshën politike e përcakton zgjedhësi, kam për të thënë se zgjedhësi përcakton skuadrës. E dyta më pyesni për Taulantin, ai kryetar i grupit parlamentar të PS. ndarja e të dyja detyrave lidhet me faktin s ekemi një objektiv të ri për partinë në funksion të transformimit të partisë. Na duhet një sekretar partie që të jetë non stop i angazhuar këtu, prandaj njëri bën njërën e tjetri bën tjetrën. Nuk ka senatorë dhe nuk kategori të tilla.

LEXO EDHE  U konfirmua në detyrë, ONM kërkon ankimimin e vendimit të KPK për gjyqtaren Atalanta Zeqiraj