Një automjet ka përplasur një të moshuar dhe është larguar nga vendi i ngjarjes. Policia bëri të ditur se aksidenti ka ndodhur rreth orës 19:50 , në aksin rrugor Elbasan-Metalurgji, në fshatin Katundi i Ri, Elbasan.
Sipas policisë, një mjet i paidentifikuar ka aksidentuar këmbësorin shtetasin B.M., rreth 80 vjeç, banues në fshatin Katundi i Ri, Elbasan, i cili ndodhet nën kujdesin e mjekëve, jashtë rrezikut për jetën.
Grupi hetimor po punon për identifikimin dhe kapjen e drejtuesit të mjetit.
