Mjeku Arban Domi, ka komentuar situatën epidemiologjike në vendin tonë, ku ditët e fundit ka pasur një rritje numrash të infektuar.
Ai është shprehur se Komiteti i Ekspertëve, nuk tha se cila vaksinë është detyrueshme teksa ka shtuar se vetëm Pfizer dhe Astra Zeneca janë të aprovuara nga FDA.
Më tej thotë se nëse bëhet i detyrueshëm vaksinimi me Coronivac, do të ishte e dënueshme.
“Mendoj se vaksinimi nuk duhet të jetë i detyrueshëm. Vaksinimi detyruar nuk tregon ndonjë avantazh përveç sëmundjeve ekzistuese. Arsyeja që u paraqit në komunitet ishte se vaksinimi do të bëjë të mundur mbrojtjen e personave rrotull, gjë që të dhënat e fundit kanë treguar se nuk është edhe aq e saktë. Sëmundja kalohet shumë më lehtë te të të vaksinuarit sesa jo të vaksinuarit, për moshat e reja, se për moshat e vjetra është një histori tjetër.
Në moshat e reja rrezikuara është më i ulët. Të dhënat e fundit janë të qarta që edhe tek të vaksinuarit, sasia e virusit, është e njëjtë, dhe është vërtetuar se edhe të vaksinuarit e transportojnë virusin tek personat e tjerë. Për përhapjen vaksinimi nuk ndryshon ndonjë gjë të madhe.
Mund të them se kjo ka të bëjë më lirinë e individit dhe me kontrollin nga gjithsecili të shëndetit të tij të jetës së tij. Dhe nëse do të ishte një vaksinë që siç mendohej disa muaj më para se pas vaksinimit nuk mund të infektosh dikë tjetër, por me të dhënat që flasim sot edhe të vaksinuarit mund të infektojnë.
Një element tjetër që nuk u përmend nga Komiteti, është se cila vaksinë duhet të jetë e detyrueshme. Nëse do e marrim si të qenë vaksinimin e detyruar do të ishte e kuptueshme që është Pfizer dhe AstraZeneca, sepse janë të vetmet vaksina të aprovuara. Nëse do të filloj me detyrim Coronavac, do të ishte absolutisht e dënueshme, pasi është një vaksinë e pa certifikuar. Dhe deri në këto momente nuk kemi asnjë të dhënë në raport me Deltën dhe për këtë arsye duhet të jemi shumë të rezervuar në përdorimin e kësaj vaksine”, u shpreh Domi./ VOA
