Një aksident automobilistik është regjistruar mesditën e sotme në autostradën Elbasan-Tiranë.
Aksidenti ka ndodhur në hyrje të tunelit duke ardhur nga Elbasani për në Tiranë, ku mësohet se një prej automjeteve ka hyrë me shpejtësi në korsinë tjetër duke i prerë rrugën automjetit tjetër, dhe duke shkaktuar përplasjen.
Informacionet para[rake bëjnë me dije se si pasojë e përplasjes ka 3 persona të plagosur, teksa mësohet se tre ambulanca janë nisur drejt vendit të ngjares.
Përplasja e dy automjeteve, ka krijuar trafik të rënduar në këtë aks rrugor, ndërsa ende nuk ka një njoftim zyrtar nga policia në lidhje me këtë ngjarje.
