Prezantuesi britanik, Eamonn Holmes sulmoi Presidentin amerikan Joe Biden lidhur me situatën në Afganistan, për raportimet se talebanët kanë fituar qasje në armët e lëna pas nga SHBA.
Holmes e cilësoi kaotike dhe tragjike situatën në Afganistan.
“A mundet dikush të më tregojë se si lanë pas 62 miliardë dollarë armatim? E gjithë historia është një hutim i plotë,” tha prezantuesi tjetër Matthew Wright gjatë një emisioni mëngjesi.
“Unë kam folur me ushtarakët, kam folur me politikanë, njerëz në të djathtë, ata në të majtë, askush nuk mund të shpjegojë se si kemi përfunduar në këtë situatë. Trump dhe Biden krijuan një afat kohor që ishte i pamundur, talebanët nuk kanë dhënë asnjë centimetër, asnjë lëshim fare. Ne i lamë talebanët në një pozitë më të mirë se ata që kanë qenë ndonjëherë”, shtoi ai.
