Një tjetër fluturim me emigrantë afganë zbarkon në Rinas, 607 të ardhur deri tani

Njëqindepesëdhjetë qytetarë afganë mbërritën në aeroportin e Rinasit këtë të Hënë.

Avioni i ardhur nga Abu Dabi është ulur në pistë rreth orës 5 të mëngjesit.

103 persona janë akomoduar në Qytetin Studenti dhe 47 të tjerë në struktura hoteljere në Durrës, njoftoi ministria e Jashtme.

LEXO EDHE  "Askush nuk është mbi ligjin", Kim-prokurorëve: Veproni ndaj zyrtarëve të korruptuar

Në total, janë 607 qytetarë afganë të ardhur në Shqipëri 4 ditët e fundit.

Shqipëria pitet të strehojë përkohësisht rreth 4000 emigrantë, ka konfirmuar më herët kryeministri Edi Rama.

Ndërkohë, evakuimet nga Afganistani që tashmë kontrollohet nga talibanët, pritet të mbyllen brenda këtij muaji.