Vllaznia humbi dje 3-0 me Teutën. Superkupa e Shqipërisë u takon durrsakëve, ndërsa për shkodranët pritet një gjobë nga FSHF. E gjitha lidhet me sjelljen e tifozëve në shkallët e stadiumit “Elbasan Arena”.
Të irrituar nga goli i dytë i Grudës, një tifoz i Vllaznisë ka kapërcyer gardhin e fushës dhe ka hyrë në fushë. Tifozi mund të sillte rrezik për lojtarët, teksa është ndalur nga security në çastet e fundit dhe pak metra larg lojtarëve që festonin golin.
Veç tij, tifozët e tjerë kanë hedhur sende të forta në fushë, me FSHF që e ka gati gjobën për shkodranët. Në videon më poshtë, duket qartë hedhja e sendeve në fushë dhe futja e tifozit.
Ndryshe nga vendet e tjera ku tifozi që “pushton” fushën shoqërohet për marrjen në pyetje dhe përjashtimin nga stadiumi, në Shqipëri security e ktheu sërish te sektori i tifozëve./Newsport.al
