Është mbyllur në barazim pa gola pjesa e parë mes Teutës dhe Vllaznisë, e vlefshme për finalen e Superkupës së Shqipërisë.
Në 45 minutat e para, të dyja skuadrat kanë kërkuar golin e avantazhit, dhe mundësitë nuk kanë munguar.
Fillimisht ishin shkodranët që patën shansin për të kaluar në avantazh. Në minutën e 3’ Jonuzi provon nga jashtë zonës me një gjuajtje të fortë, sfera grushtohet nga portieri Qirko e më pas mbrojtja largon rrezikun.
Pak minuta më vonë durrsakët u kundërpërgjigjën me Dajën. Në minutën e 8’ Teuta organizon një sulm të shpejtë duke i mundësuar Dajës të dalë në pozicion ballor. Mesfushori gjuan drejt portës por gjen të gatshëm Zogoviç me grushtimin e tij.
Vetëm një minutë më pas Teuta krijoji një tjetër rast për gol. Në minutën e 9’ Gorgiev hyn në zonë pas një topi të gjatë duke kontrolluar mirë e gjuajtur, por Zogoviç ndërhyn në momentin e fundit dhe bllokon sferën ndërsa më pas Plaku e dërgon në duart e portierit.
Rasti më i mirë i përket minutës së 33-të. Dianje del mirë nga mbrojtja dhe jep një top të artë për Latifin i cili e ka rrugën e pastër para tij.
Selmani ndërhyn në momentin e fundit dhe i heq topin nga këmbët sulmuesit duke shpëtuar katërkëndorin e tij nga një situatë e vështirë.
