Një anije me pasagjerë goditi një transportues mallrash që transportonte rërë ndërsa të paktën 19 persona mbetën të vrarë dhe dhjetëra të tjerë, të zhdukur në Bangladesh.
“Ne kemi gjetur 19 trupa deri më tani”, konfirmoi Anisur Rahman, shefi i policisë në rrethin lindor të Brahmanbaria, ku ndodhi aksidenti, raporton Reuters.
Ai deklaroi se nëntë gra dhe dy fëmijë ishin mes të vdekurve dhe se operacionet e shpëtimit për të zhdukurit ishin në progres.
Zyrtarët e policisë thanë se nuk e dinë numrin e saktë të personave të zhdukur, por udhëtarët thanë se më shumë se 50 persona ishin në bord, ndërsa një zyrtar i rrethit konfirmoi se disa prej tyre notuan në breg ose u shpëtuan.
