Stenio Junior vuan nga një dëmtim. Braziliani i Partizanit u lëndua gjatë fazës përgatitore që ekipi po zhvillon në Ohër, ndërsa do marrë ndihmë të specializuar mjekësore. Duket se “derman” Junior do i bëjë fizioterapistja e njohur serbe, Marjana Kovaçevic.
Sulmuesi ka postuar në rrjetet sociale një fotot nga Beogradi, teksa pritet të ketë seancat e terapisë. Besohet se java që vjen do e gjejë lojtarin me grupin, për të marrë ngarkesën e duhur në nisje të Superligës.
E famshmja Marjana njihet për “magjinë” në fizioterapi, teksa te ajo kanë gjetur shërim edhe yje të futbollit botëror. Më herët edhe futbollistë të tjerë nga Shqipëria kanë gjetur zgjidhje te fizioterapistja serbe.
