Jurgen Bardhi e ka nisur mjaft mirë aventurën e tij në futbollin turk ku tashmë vesh fanellën e Tuzlaspor. Ish-mesfushori i Partizanit, ka lënë shenjë që në sfidat e para në kampionat dhe ka treguar se e meritonte plotësisht interesimin që shfaqi ky klub për të duke mposhtur konkurrencën e skuadrave të tjera turke që e ndiqnin.
Në ndeshjen e sotme Tuzlaspor e Bardhit është përballur me klubin i cili ka një koloni të madhe shqiptarësh në përbërje, Boluspor, ku luajnë Selmani, Bregu she Roshi. Ashtu siç pritej, të tre ishsin titullarë sot.
Megjithatë, ishte mesfushori ai që bëri diferencën pasi dha asistin për golin e avantazhit të skuadrës së tij në minutën e 21-të. Një pasim perfekt nxori Jazar para portës dhe ky i fundit kaloi topin mbi Selmanin duke e dërguar në rrjetë.
