Koreja e Jugut ka mirëpritur me pankarta dhe shumë dashuri shumë refugjatë afganë. Pikërisht kjo ka qetësuar gjendjen e tyre, të cilët rrezikonin jetën në aeroportin e Kabulit.
“Ne do të ndajmë dhimbjen tuaj së bashku. Paçi një qëndrim sa më të rehatshëm”, shkruhet në pankartat që koreanët mbanin në duar, teksa afganët e parë zbritën në tokën e tyre. Kujtojmë se ata për javë me radhë kanë jetuar me frikë, ndërsa prisnin me ankth radhën për tu larguar.
Mirëpritja e koreanëve u ka falur atyre siguri. Ndërkohë kujtojmë se një ditë më parë, ISIS ka sulmuar aeroportin e Kabulit, ku për pasojë kanë ndërruar jetë 90 persona, mes tyre edhe ushtarë amerikanë. Gjithashtu janë plagosur 150 të tjerë.
