Personi që shihni në foto është Sokol Çelaj, 58-vjeçari që mbrëmë iu bë atentat afër banesës në fshatin Reç të Malësisë së Madhe. Ai ishte duke shkuar me gruan me makinë drejt shtëpisë, ku persona ende të pa identifikuar i bënë pritë dhe lëshuan breshëri plumbash mbi mjetin.
Çelaj ka ndërruar jetë në spital, si pasojë e plumbave të marra, ndërsa bashkëshortja nuk është lënduar.
Viktima kishte pak ditë që ishte kthyer në Shqipëri, pasi prej vitesh jetonte në Angli. Mbrëmjen e djeshme, para pak atentatit, ai raportohet se ka vizituar një të afërm.
Çelaj ka punuar polic dhe në vitin 1989 ka vrarë një person me armën e shërbimit.
Gjykata asokohe e konsideroi vrasjen nga pakujdesia dhe Çelaj ka bërë rreth 6 vite burg, për të shkuar më pas në Angli. Të afërmit e personit që ka vrarë 58-vjeçari jetojnë në Itali. Kjo është një nga pistat që po hetohet deri më tani, por nuk përjashtohen edhe episode të tjera.
Lexo edhe:
Atentat 58-vjeçarit në Malësi të Madhe/ Ekzekutohet në makinë, në sy të gruas
