Njihuni me Adam Banks, 39-vjeçari që shpëtoi mrekullisht nga vdekja. Ai po vuante në spital për shkak të Covid-19, kur doktorët nuk i dhanë shpresë për të jetuar.
DailyMail shkruan se 39-vjeçari ishte në spital për 3 muaj dhe 5 javë në koma, duke i hequr shpresat mjekëve se ai do mbijetonte.
DailyMail tregon se mjekët duke parë gjendjen e tij, kishin vendosur që të fiknin oksigjenin dhe të ndalonin mjekimet e tij, por gruaja e tij, Maria Banks nuk i kishte lejuar. Falë këmbënguljes së saj, 39-vjeçari ia doli të jetojë.
Tashmë në gjendje të mirë, ai rrëfen për DailyMail: “Ajo refuzoi dhe iu lut mjekëve që të shikonin një mundësi tjetër.”
Ai më tej ka treguar se gjendja e tij u përkeqësua sepse mendonte se mjekët donin ta vrisnin me të gjithë ilaçet që po i jepnin. “Kështu ndalova së piri dhe gjendja ime u përkeqësua”, tha ai. Ai tregoi se ka dy fëmijë dhe se është shumë i lumtur që u përball ai me këtë sëmundje dhe jo familja e tij.
