Spencer Elden, i cili u fotografua si foshnjë në kopertinën e albumit “Nevermind” të grupit të njohur Nirvana, ka ngritur padi për shfrytëzim seksual. Ai ka paditur ish anëtarët e grupit, administratorët e pasurisë së të ndjerit Kurt Cobain dhe shumë të tjerë për foton e famshme nudo, e cila është “hakuar” “në kujtim të një brezi të tërë. Sipas CBS News, në një padi të ngritur të martën, Spencer Elden, 30 vjeç sot, pretendon se grupi shkelte ligjet federale të pornografisë së fëmijëve dhe pretendon ndër të tjera se prindërit e tij kurrë nuk nënshkruan një dokument zyrtar që i jepte leje Nirvana-s të përdorte foton e tij. Në dokumentet gjyqësore, Elden shpjegon se “identiteti dhe emri i tij ligjor janë lidhur përgjithmonë me shfrytëzimin seksual tregtar që ai përjetoi si fëmijë”, produkti i të cilit është “shpërndarë dhe shitur në të gjithë botën” që kur ishte foshnjë e deri më sot.
Sipas padisë, të pandehurit “me vetëdije prodhuan, poseduan dhe reklamuan pornografi komerciale të fëmijëve që përshkruanin Spencer” dhe siguruan përfitime financiare përmes saj. “Edhe pse ata e dinin se çfarë po bënin, të pandehurit kurrë nuk ndërmorën hapa të arsyeshëm për të mbrojtur Spencer dhe për të parandaluar imazhin e tij të përhapur dhe shfrytëzimin seksual”- shprehet ndër të tjera Elden në padinë e tij. Fotografia tashmë e famshme është marrë në Qendrën Ujore të Pasadenës në 1990, dhe Elden këmbëngul që prindërit e tij nuk e dhanë kurrë pëlqimin e tyre për përdorimin e saj dhe se ai kurrë nuk mori asnjë kompensim.
Burimi: BBC
