Talebanët kanë emëruar si ministër të Mbrojtjes në Afganistan Mullah Abdul Qayyum Zakir. Mediat ndërkombëtare shkruajnë se ky i fundit është një ish i dënuar i burgut famëkeq të Guantanamos. Ai u la i lirë 14 vite më parë, pasi i premtoi SHBA-së se nuk do kthehet më në botën e krimit.
Por, sipas mediave, ai nuk e mbajti fjalën. Sapo doli nga burgu ai drejtoi operacionet në Helmand, përpara se emërohej si komandanti më i lartë i talebanëve.
Zakir është një mik personal i Ismail Qani, kreu i grupit elitë Quds në Iran dhe prej tij ai është furnizuar me armët më moderne. Sipas agjencisë së lajmeve Alarby, Zakir ishte në krye të forcave talebane kur ata hynë në pallatin presidencial në Kabul.
