Tirana dhe Legia e Varshavës kanë mbyllur marrëveshjen për Jurgen Çelhakën. Mediet polake njoftuan dje se gjithçka ishte kryer, me 20 vjeçarin që do udhëtojë drejt vendit evropian për vizitat mjekësore.
250 mijë euro pritet të përfitojë Tirana nga talenti i Akademisë, që ka luajtur mbi 40 ndeshje në Superligë. Bardheblutë do mbajnë edhe një pjesë të kartonit të lojtarit.
Veç Muçit që u bashkua me Legian në marsin e këtij viti, tanimë Çelhaka pritet të zyrtarizohet në orët në vijim si lojtar i ri i Legias. Vizitat mjekësore janë parashikuar të enjten, ndërsa kontrata e mesfuhsorit do jetë 4 vjeçare.
