Lushnja u trondit mbrëmjen e kaluar nga një atentat i ndodhur në mes të qytetit në lokalin e quajtur “Pedonale”. Kujtojmë se nga ky atentat i ndodhur rreth orës 22:00 ka humbur jetën Bledar Muça, pronari i lokalit dhe kanë mbetur të plagosur 5 persona mes tyre edhe kunati i Muçës, Judin Velo. Muça rezulton i martuar me mbesën e Roland Shytit, anëtarin e bandës “Hakmarrje për Drejtësi”.
Grupi hetimor është duke kërkuar të dhëna mbi prishjen e pazareve të drogës mes grupeve në këtë qytet, por edhe më gjerë, si edhe ndonjë konflikt mbi lidhjet familjare të viktimës. Ndërsa mësohet se ndaj Muçës është qëlluar 21 herë me breshëri kallashnikovi. Plumbat kanë kapur edhe 5 persona të tjerë. Mes të plagosurve më rëndë është gjendja e kunatit të viktimës Judin Velo.
