Policia në Long Island ka publikuar pamjet e rënda të ekzekutimit të një regjisori filmash disa ditë më parë, me qëllim për të identifikuar autorin e kësaj ngjarje të rëndë.
Në video shihet autori që ecën pranë një garazhi ndërsa flet në telefon, përpara se të shkojë drejt një Mercedezi të zi ku ndodhej viktima.
Regjisori Joseph ‘Taheim’ Bryan, i cili njihej për miqësinë me shumë personazhe të famshëm të muzikës dhe kinematografisë, u qëllua 4 herë ndërsa kishte parkuar në “Jackson Avenu”. Plagët ishin të rënda dhe ai nuk mundi të mbijetonte.
Më pas, kamerat kanë filmuar dhe momentin kur autori largohet me një makinë Mazda që e priste pak metra nga vendngjarja.
