Riaktivizohet zjarri në fshatin Mjeshovë në Berat, ndërsa flakët janë përhapur drejt fshatit Metohë në kufi me Mallakastrën. Deri më tani, raportohet se janë shkrumbuar 7 ha me pisha e shkurre. Terreni është i vështirë e malor, ç’ka vështirëson punën zjarrëfikësve.
Zjarri i rënë dje gjatë natës në kodrat e pyllëzuar të fshatit Mjeshovë, pasi u vu nën kontroll nga Zjarrëfikësit e Beratit, është riaktivizuar sërish mbrëmjen e sotme, duke u shtrirë në pyllin me pisha të fshatit Metohë, që ndodhet në kufi me Mallakastrën.
Efektivët e Repartit Zjarrëfikës kanë vijuar për 24-orë rresht punën duke luftuar me flakët në një terren tepër të vështirë, ku është e pamundur ndërhyrja në zonë me mjete, ndërkohë që është kërkuar edhe ndihma e Reparteve Zjarrëfikëse të Mallakastrës.
