Disa zona të Shteteve të Bashkuara të Amerikës po përballen me një valë të motit të keq. Të paktën 22 persona kanë humbur jetën dhe dhjetëra të tjerë janë shpallur të zhdukur për shkak të përmbytjeve në Tenesi. Ekipet e shpëtimit po kërkojnë për mbi 50 njerëz në kontenë rurale të Hamrifs (Humphreyes).
“Kemi pasur një nivel rekord shiu të rënë gjatë fundjavë që shkaktoi përmbytje shkatërruese në këtë komuniteti si dhe humbje të jetëve. Një numër i konsiderueshëm personash janë shpallur të zhdukur, shtëpi janë shkatërruar, automjete janë dëmtuar”, tha Guvernatori i shtetit, Bill Lee.
Shirat e dendur besohet të jenë nxitur nga stuhia tropikale që preku tokën në brigjet e Rod Ajlënd (Rhode Island). Me vete solli erëra të fuqishme. Teksa stuhia ngadalësohet në tokë, kërcënon që të nxisë stuhi të tjera shiu.
Përmbytje të mëdha janë raportuar në Nju Jork dhe verilindje të Pensilvanisë. Në Rod Ajlënd, Henri ka lënë mijëra në errësirë. Instituti Edison thotë se mbi 13 mijë elektricistë janë angazhuar në punë për rikthimin e shërbimit pas stuhisë.
“Shumë i shqetësuar për faktin që pas kësaj kemi dhe një valë të të nxehtit që po vjen, prandaj është shumë e rëndësishme që të rikthejmë në punë linjat elektrike, në mënyrë që të minimizojmë rreziqet shëndetësore”, tha Guvernatori Danile Mckee.
