Njëri nga personat e dyshuar që la vajzën 18-vjeçare pa shenja jete në Spitalin e Ferizajt, shtetasi A.S është arrestuar, raporton policia e Kosovës.
Dy të rinjtë, A.S, dhe D.K u panë ditën e djeshme me një makinë me targa zvicerane teksa lënë 18-vjeçaren pa shenja jete në dyert e spitalit e pastaj largohen me një makinë ‘Audi A8’ me targa zvicerane me ngjyrë të zezë.
Fotot e tyre janë nxjerrë nga kamerat e sigurisë dhe janë shpërndarë në të gjitha pikat kufitare dhe të gjitha drejtoritë të policisë së Kosovës, ndërsa dyshohet se 18-vjeçarja bashkëjetonte me Dardan Krivaqën, i cili është në arrati dhe është i dyshuari kryesor për vrasjen e të vajzës me iniciale M.O.
Policia e Kosovës ka publikuar sot fotografinë e Dardan Krivaqës, të dyshuarit kryesor për rastin në Ferizaj, ku ka mbetur e vdekur një vajzë 18-vjecare, pas dhunës së ushtruar nga dy të rinj.
Në fotot e publikuara dhe në rrjetet e tij sociale, i riu shihet me armë dhe duke marrë në shënjestër.
