Nilofar Ayoubi është një nga mijëra gratë që kanë ndërtuar një jetë të lulëzuar dhe të begatë për veten e tyre në Afganistan.
Por me marrjen e Kabulit nga talebanët, liria dhe jeta e tyre tani është e cënuar.
Ayoubi, një sipërmarrëse biznesi, 28 vjeç ndihmoi në kontrabandimin e grave të reja të cilat punuan në shtëpinë e saj të modës, nga shtëpitë e tyre drejt një vendi të sigurt, ndërsa talebanët filluan të ndërtonin listën e tyre të zezë të grave.
Të Mërkurën, Nilofar Ayoubi e dinte se emri i saj ishte në listën e talebanëve. Ajo kishte dëgjuar se talebanët po shkonin derë më derë nëpër lagje duke u përpjekur të gjenin gra si ajo. Gratë në listë ishin gazetare, politikane, pilote, sipërmarrëse biznesi, dhe e përbashkëta e tyre ishte se ato kishin vite që flisnin për të drejtat e grave afgane me zë të lartë dhe këmbëngulës.
Megjithëse Shtetet e Bashkuara kishin këmbëngulur prej kohësh se të drejtat e grave afgane do të ishin një gur themeli i çdo marrëveshjeje paqeje me talebanët, ky premtim tani qëndron në dyshim. Ndërsa talebanët zbatojnë urdhrin e tyre në kryeqytet, Ayoubi dhe avokatet e tjerë të të drejtave të grave janë lënë të kujdesen për veten e tyre.
Gratë si Ayoubi janë lënë duke u përpjekur për të gjetur një rrugëdalje për familjet e tyre. Disa kanë dalë jashtë vendit, por për të tjerët në listën e talebanëve, kërkimi i sigurisë është si të ecësh në një litar ku një hap i vetëm i gabuar mund të nënkuptojë vdekjen.
Për Ayoubin, një nga gratë e para dhe më të reja në Afganistan që krijoi kompaninë e saj të prodhimit të mobiljeve, lajmi i keq ishte i pamëshirshëm. Rrjeti i saj i miqve dhe kolegëve aktivistë vazhdimisht tregonin vendodhjen e njëri-tjetrit në vendet ku talebanët kishin ngritur pika kontrolli.
Shtatëdhjetë e dy orë pas shembjes së Kabulit, ajo mori lajmin se shtëpia dhe zyrat e saj ishin sulmuar katër herë nga njerëz të armatosur të cilët kishin pyetur stafin dhe fqinjët për vendodhjen e familjes së saj.
