Babai i 25-vjeçarit Xhuljan Bullari që u gjet i vrarë brenda makinës në Babicë të Vlorës ka folur për mediat për ngjarjen e rëndë që goditi familjen e tij.
Ai thotë se i biri kishte dalë nga shtëpia për të pirë kafe në darkë dhe se nuk dinin që kishte konflikte.
“Është larguar nga shtëpia në Babrru të Tiranës rreth orës 18.00- 19.00 pasdite si zakonisht për të pirë kafe. Nuk dinim të kishte konflikte, priste të ikte në Gjermani të vëllai, pasi donte të largohej nga Shqipëria. Më herët ka bërë 2.5 vite burg për dhënie ndihme në kalim të paligjshëm të kufirit, pasi ishte arrestuar në Fier. Nuk kishte asgjë që ta lidhte me Vlorën.”, tha babai i 25-vjeçarit.
