Grabitja e hapësirave publike, kthimi i tyre në sheshe ndërtimesh për grataçela dhe zhdukja e hapësirave të gjelbra, duket se është misioni kryesor i rilindjes që prej fillimit të qeverisjes dhe jo vetëm, por po vijohet të ecet nën ‘rrugën’ e shtruar nga vetë Edi Rama gjatë kohës që ka qenë kryetar i Bashkisë së Tiranës.
Faqja e njohur ‘Ne Shqipëria’ ka bërë një tjetër denoncim të fortë ku tregon projektin e radhës të dyshes Rama-veliaj të cilët këtë herë ja kanë vënë syrin ‘Gardës së Republikës’ dhe zonës rreth Liqenit Artificial, për ta kthyer në kantier ndërtimi.
‘Ne Shqipëria’ ka bërë pubik projektin e ‘florinjtë’ me të cilin do të shtrohen 200 metra rrugë që do të lidhë Sheshin Shopen me Rrugën e Kosovarëve nëpërmjet ish-truallit të Gardës së Republikës.
Kjo rrugë po përdoret si pretekst për të kthyer zonën në një zonë ndërtimi, ku sicc dihet metri katror kushton shumë shtrenjtë, dhe nga kjo gjë përfitojnë vetëm njerëit dhe oligarkët pranë qeverisë.
Ja postimi i ‘Ne Shqipëria:
Kanë filluar punimet për rrugën që do lidhë Sheshin Shopen me Rrugën e Kosovarëve nëpërmjet ish-truallit të Gardës së Republikës.
Ankandi u bë i njohur për publikun për vlerën e tij, mbi 1 milion euro për thuajse 200 metra linear, që e bente rrugën më të shtrenjtë edhe se segmente të autostradave malore.
Por fatkeqësisht ky është vetëm një nga problemet e projektit. Qëllimi i hershëm i €rion Veliaj dhe Edi Ramës ka qenë përdorimi i truallit të Gardës për ndërtim. Rruga e re i shërben pikërisht këtij qëllimi. Një pjesë e vogël e truallit, ajo që shtrihet në të djathtë të rrugës së shfaqur në skicat e mëposhtme, do i bashkohet Parkut të Liqenit. Ky do përdoret si argument se projekti po “zgjeron” parkun.
Pjesa tjetër e truallit, thuajse 1000 metra katror, do të përdoret eventualisht për ndërtime të reja nën justifikimin se “nuk ishte kurrë pjesë e Parkut”.
Talebanët i kemi mes nesh dhe kanë vetëm një qëllim: grabitjen e cdo hapësire publike ose private të mbetur në Tiranë me qëllim ngritjen e pallateve të reja nga klientët e tyre.
#PerQytetaretJoPerKryetaret
