Në ambulancën e burgut të Drenovës raportohet se kanë humbur dy ditë më parë një palë gërshërë.
Në shërbim ka qenë një infermier nga Korça, i cili pretendon se i ka lënë gërshërët tek infermieria, por kur është bërë inventari ato mungonin.
Ka dyshime që gërshërët mund të përdoren për ngjarje kriminale nga një i burgosur.
Dyshohet që i burgosuri i sigurisë të lartë Klement Ibrahimi të jetë ai që i ka marrë gërshërët, gjatë kohës kur po merrte serum në spitalin e burgut. Në këtë burg ndodhet edhe i penduari i drejtësisë Lefter Reçi, i cili ka “spiunuar” Emiljano Shullazin dhe Lul Berishën.
Janë ushtruar kontrolle te të dënuarit, por gërshërët nuk janë gjetur ende. Ditën e djeshme, mësohet se në IEVP Drenovë kanë shkuar forca operacionale e Drejtorisë së Përgjithshme të Burgjeve dhe po hetohet lidhur me këtë rast.
/BW/
