“Afganistani nuk do të jetë më një qendër për kultivimin e opiumit apo biznesin e drogës”. Kjo u deklarua nga zëdhënësi i talebanëve gjatë një konference për shtyp në Kabul.
Ai shtoi se qeverisë së re do t’i duhet mbështetje ndërkombëtare për të promovuar një alternativë ndaj kultivimit të opiumit.
Dhe duke iu përgjigjur një pyetjeje në lidhje me rrezikun që Afganistani t’u japë azil luftëtarëve të huaj ose terroristëve të Al Kaedës, zëdhënësi Mujahid tha: “Toka afgane nuk do të përdoret kundër askujt, ne mund t’iu sigurojmë këtë”.
