Albert Gajo është arrestuar nga policia e Kolonjës për veprën penale “Shkatërrimi i pronës me zjarr”.
Sipas bluve, Gajo u arrestua në flagrancë pasi dogji një sipërfaqe me vreshtari, ndërsa zjarri përfshiu më pas edhe një sipërfaqe tjetër me bimësi të ndryshme.
“Specialistët për Hetimin e Krimeve në Komisariatin e Policisë Kolonjë, bënë arrestimin në flagrancë të shtetasit Albert Gajo, 59 vjeç, banues në Tiranë, pasi në vendin e quajtur ‘Sarandapor’, në Leskovik, Kolonjë, me veprimet e tij, ky shtetas ka shkaktuar rënien e zjarrit në një sipërfaqe me vreshtari, duke përfshirë më pas edhe një sipërfaqe tjetër me bimësi”, njoftoi Policia këtë të Mërkurë.
Byro Rusi, i cili tregoi se është një nga bashkëpunëtorët e tokës që u dogj, ashtu si dhe Gajo. Ai tha për një televizion se me Gajon ka konflikte pronësie dhe ish-zv.ministri ka hedhur shashka dje në drekë te vreshti për të trembur zogjtë, por që kanë shkaktuar zjarr. Fqinji e akuzoi ish-ministrin për papërgjegjshmëri, ndërsa shtoi se janë djegur 2.3 hektarë vresht dhe 1.5 hektarë pyll.
Albert Gajo ka qenë zëvendës Ministër i Integrimit në vitet 2005-2009 dhe Zëvendës Ministër i Shëndetësisë në vitet 2009-2013. Më herët, ai ka punuar si bankier pranë Bankës së Shqipërisë (1985-1991). Po ashtu, ka qenë Këshilltar Ekonomik i Kryemnistrit të Shqipërisë në vitet 1992-1997. Njihet po ashtu dhe për karrierën si akademik.
LEXO EDHE:
