Një person është arrestuar dhe një tjetër është shpallur në kërkim pasi akuzohen se i kanë vënë flakën tokës së një bashkëfshatari në Maskuri të Durrësit.
Në pranga u vu Muharrem Çaushi, 54 vjeç dhe u shpall në kërkim vëllai i tij Kujtim Çaushi, 39 vjeç. Ata akuzohen për veprën penale “Shkatërrim prone me zjarr”, kryer në bashkëpunim.
Polica sqaroi se këta shtetas, në bashkëpunim me njëri-tjetrin, dyshohet kanë vendosur zjarr në pronën e I.T., ku janë djegur 180 rrënjë ullinj duke përfshirë dhe një sipërfaqe toke prej 10 hektarë me shkurre.
