Një ngjarje e rëndë raportohet të ketë ndodhur në Greqi, ku janë plagosur dy shtetas me origjinë shqiptare.
Mediat vendase kanë raportuar se më 5 gusht pronari irakian i një klubi nate plagosi me armë zjarri tre persona dhe më pas u arratis. Kjo pasi në orët e para të mëngjesit të 5 gushtit irakiani ishte ulur në dyqanin e tij kur iu afrua një ish-kamariere e tij, një vajzë 25-vjeçare me origjinë shqiptare.
Mësohet se ai e kishte pushuar nga puna dhe kishte shkuar atje pasi kërkonte që të flisnin. Pasi e kishte pushuar nga puna, pronari irakian kishte filluar të fliste në lokalet e zonës aty pranë për vajzën shqiptare në mënyrë që ata të mos e merrnin në punë.
Raportohet se vajza ishte e shoqëruar nga i dashuri i saj 35-vjeçar bashkatdhetar dhe kur biseda u përshkallëzua, irakiani nxitoi drejt saj dhe e kapi për flokët, ndërsa i dashuri i saj e sulmoi dhe filloi ta godasë me grushta. Irakiani më pas rrëmbeu një armë dhe gjatë përleshjes, plagosi dy shqiptarët, ndërsa menaxheri i një dyqani aty pranë u plagos në kokë nga një shishe që u hodh.
Kur policia e arrestoi 28-vjeçarin irakian, kontrolloi banesën dhe lokalin e tij dhe i konfiskuan 51 gëzhoja, 2 gëzhoja dhe celularë.
