Përfshihen në aksident, plas sherri mes dy shoferëve në mes të Elbasanit, njëri përfundon në spital me plagë në fytyrë e trup
Drejtuesit e dy automjeteve, të cilat dyshohet se janë përfshirë në një aksident në qendër të Elbasanit, janë konfliktuar fillimisht verbalisht, por më pas edhe fizikisht.
Burime bëjnë me dije për se njëri prej drejtuesve të këtyre automjeteve ka goditur me një mjet të fortë drejtuesin e automjetit tjetër, i cili ka mbetur i dëmtuar në fytyrë dhe trup, duke ju shkaktuar plagë.
Shoferi i plagosur është transportuar në urgjencën e Spitalit Rajonal të Elbasanit. Ende nuk janë bërë të ditura nga policia rrethanat e ngjarjes, e cila ndodhi pasditen e kësaj të marte në qendër të qytetit të Elbasanit.
