Një nga monumentet e kulturës në Tiranë, Sarajet e Toptanëve, është përfshirë nga flakët rreth mesnatës. Sarajet ndodhen në rrugën “Abdi Toptani”, në kryeqytet.
Sipas njoftimit të policisë, zjarri ka rënë rreth orës 23:40 dhe tashmë është shuar. Sipas policisë, ka vetëm dëme materiale.
Grupi hetimor po punon për përcaktimin e shkakut të zjarrit, shtuan të njëjtat burime, ndërsa dyshohet se zjarrvënia ishte e qëllimshme.
Para disa vitesh ky vend ka funksionuar si bar-restorant, por tashmë është i mbyllur dhe nuk lejohen vizitorë. Sarajet janë ndërtuar rreth viteve 1833-1840 dhe janë një nga të paktat saraje feudalësh të ruajtura në qytetet e Shqipërisë.
Lexo edhe:
