Një tjetër natë e vështirë pritet të jetë për shërbimet zjarrfikëse në Vilia dhe Keratea për shkak të zjarreve që kanë përfshirë Greqinë.
Tashmë ndërhyrjet vijojnë në toka, ndërsa edhe banorë të zonës iu janë bashkuar forcave të shërbimeve zjarrfikëse për të parandaluar përhapjen e flakëve në zona të banuara.
Zjarret gjithashtu vijojnë të djegin sipërfaqe toke edhe në Atikë. Sipas informacioneve të publikuara nga mediat greke, situata në Vilia mbetet mjaft e vështirë, ndërsa autoritetet dhanë urdhër për evakuimin e qytetarëve në Venizë.
Presidenti i Vilias, Costaas Makrynoris deklaroi se flakët janë 2 km larg nga Vilia, ndërsa kërkoi përforcim të zjarrfikësve.
Beteja më e madhe mbetet për Parkun Kombëtar, pasi autoritetet synojnë të shmangin përhapjen e zjarrit në këtë zonë, e cila mund të rezultonte shkatërruese.
