I ftuar në RTL të hënën më 16 gusht, Bernard-Henri Lévy denoncoi tërheqjen amerikane nga Afganistani, e cila çoi në kthimin e talebanëve, 20 vjet pasi u rrëzuan nga pushteti.
“Amerikanët u larguan në një mënyrë absolutisht të pakuptueshme, dhe prandaj askush nuk luftoi në Afganistan.
Perëndimi i braktisi afganët, i la me duart e lidhura. Praktikisht, ne i dorëzuam gratë afgane dhe demokratët afganë në duart e terroristëve islamikë”, shtoi ai.
Nëse tërheqja e trupave amerikane në Afganistan ishte tashmë një dëshirë e Donald Trump, Joe Biden e përshpejtoi procesin.
Pra Trump e kishte ëndërruar atë, Biden e realizoi atë ndoshta nga naiviteti se besonte në marrëveshjet e Dohas vitin e kaluar (një marrëveshje paqeje midis Shteteve të Bashkuara, NATO-s dhe talebanëve afganë, ku perëndimorët u zotuan të tërhiqnin trupat e tyre në pranverë, në këmbim të premtimit të talebanëve për të luftuar kundër ndikimit të Al-Kaedës dhe për të mos marrë territoret me armë), ndoshta edhe për të kënaqur votuesit e tij të cilët ishin të ngopur me të ashtuquajturat luftëra të pafundme. Amerikanët e lanë kështjellën që na mbrojti nga Al-Kaida dje dhe ISSIS sot, pra të shembet “.
Për Bernard-Henri Lévy, amerikanët janë “fajtorët e vetëm” të situatës në Afganistan pas “vendimi i tyre të pakuptueshëm për t’u tërhequr nga vendi”, “duke larë duart nga ajo që do të ndodhë tani e tutje atje, veçanërisht për gratë që u vranë me gurë në fshatra sepse guxuan të vendosnin llak në thonjtë e tyre. / Syri/
