Një ngjarje e rëndë ka ndodhur në Itali ditën e sotme. Mediat vendase shkruajnë se një 15-vjeçare ka qëlluar për vdekje me thikë nënën e saj. Sipas informacioneve të para, e gjitha nisi pas një debati të fortë mes të dyjave, duke nxitur vajzën që të marrë në kuzhinë thikën.
Sipas policisë, shkruajnë mediat, gruaja, identiteti i së cilës nuk është bërë me dije, është gjetur e vdekur në shtëpi, edhe pse kishte marrë vetëm një goditje. Ndërkohë, mësohet se ka qenë vetë e mitura që e ka lajmëruar policinë për ngjarjen e rëndë. “Kam nevojë për ndihmë, godita nënën time”.
Aktualisht e mitura është në burg, ndërsa policia ka nisur hetimin për shkaqet e ngjarjes. Dyshohet se çdo gjë nisi për montimin e një pajisje shtëpiake, të cilën sapo e kishin blerë.
