Një vatër zjarri është aktivizuar pranë një zone të banuar në Zejmen të Lezhës.
Nga raportimet mësohet se flakët rrezikojnë disa banesa, përfshi edhe Njësinë Administrative, pasi flaket janë vetëm pak metra mbi godinën e njësisë,
Mësohet se në këtë vatër zjarri ende nuk ka ndërhyrje nga strukturat e emergjencave civile që janë të angazhuara ne dy vatra të tjera.
Flaket vijojnë të përhapen ndaj kërkohet ndërhyrje emergjente për të shmangur pasojat e këtij zjarri, raporton abc.
Banorët janë të vetmit që po ndërhyjnë për të mbajtur larg zjarrin nga shtëpitë e tyre, ndërsa dyshohet se shkak është bërë pakujdesia për të djegur mbeturinat dhe me pas flaket kanë dalë jashtë kontrollit dhe janë përhapur me shpejtësi duke përshkuar një zone me bare të thatë e shkurre.
