Është bërë kudo virale fotoja e Hunter Biden, djalit të Presidentit të SHBA-së, Joe Biden, ku shihet nudo me një prostitutë. Ai ka folur për këtë foto, ndërsa pretendon se rusët i kanë vjedhur një nga laptopët për ta shantazhuar.
Djali i Presidentit amerikan ka humbur 3 kompjutera në total. Të parin e harroi në një qendër kompjuterësh, i dyti u sekuestrua nga agjentët federalë me pretendimin se mbajnë informacione të ndjeshme mbi Presidentin Biden dhe foto, video apo komunikime të turpshme të akteve seksuale të djalit të tij. Laptopi i tretë ende mungon dhe mendohet se u mor nga tregtarët rusë të drogës pasi u ndanë me Hunter në Vegas, gjatë një feste në të cilin ndodheshin.
Joe Biden gjithmonë ka këmbëngulur se ai nuk ishte i përfshirë në marrëveshjet e biznesit të djalit të tij. “Kam harxhuar shumë të mëdha parash. Isha me ata. Një prej tyre, çdo natë thoshte se këtu vijnë shumë njerëz dhe bëhen festa të mëdha, por në fakt nuk kishte asnjeri”, mësohet të thotë ai.
Pretendimet e Hunter shtojnë mundësinë që ai të ketë qenë shënjestër e ndonjë operacioni inteligjent të huaj. Hunter tregoi sesi laptopi i tij i tretë u ‘vodh’ një natë gjatë verës së vitit 2018. “Dola nga vaska dhe u ula atje. Kjo është gjëja e fundit që mbaj mend pasi më kishtë rënë të fikët. Dhe mua nuk më bie kurrë të fikët. Kur u zgjova ishin vetëm dy persona atje. Ata i kishin përzënë të gjithë”, tha ai.
Hunter tha se pas asaj nate të shthurur ai kuptoi që kompjuteri i tij mungonte. Fotografitë në hard diskun e laptopit të marra nga DailyMail.com përfshijnë fotografi të pasaportës ruse të një gruaje dhe fotografi të Hunter të zhveshur./Oranews
