Janë vjedhur 600 milionë dollarë në kriptomonedha. Kjo është vjedhja më e madhe në historinë e kriptomonedhave, por hakeruesi nuk mund ti përfitojë sepse ato janë të gjurmueshme.
Hakerat i kanë vjedhur kriptomonedhat nga financat e decentralizuara në platformën Poly Network me bazë ne Uashington.
“Një dobësi në sistemin e Poly Network i lejoi hakerat të vidhnin”, deklaroi platforma, duke i bërë thirrje hakerave t’i kthenin pa u dashur të kalojnë në procedura që marrin kohë deri në përvetësimi ne tyre.
Në postimin në Twitter të Poly Netëork thirrja u drejtohet hakerave:
“Shuma e parave që keni hakuar është më e madhja në historinë e kriptomonedhave. Paratë që keni vjedhur janë nga mijëra anëtarë të komunitetit kripto. Ju duhet të flisni me ne për të gjetur një zgjidhje.”
Pas hakerimit, Poly Netëork krijoi disa adresa në të cilat hakerat do duhet të kthejnë paratë. Dhe mesa duket po funksionon.
“Që nga ora 7:47 e mëngjesit, kemi arritur të rikthejmë rreth 4.7 milion dollarë. Ende nuk është e qartë se kush është hakeri”, tha Poly Network.
Deri në mesditë, janë kthyer rreth 261 milion dollarë. Nga shënimet e bashkangjitura nga disa prej transaksioneve, sulmuesit pretenduan se e kishin hakuar Poly Network thjesht për argëtim”, sipas agjencisë kriminalistike Chainalysis.
Edhe pse sulmi kibernetik mori vëmendjen e të gjithëve, praktikisht nuk ka asnjë mënyrë që hakeri të tërhiqte fondet, deklaron Chainalysis, sepse çdo transaksion është i regjistruar dhe i gjurmueshëm.
