Kosova vijon të regjistrojë shifra të larta të rasteve të reja me Covid-19. Sipas të dhënave zyrtare, gjatë 24 orëve të fundit janë konfirmuar 1370 raste të reja me koronavirus, ndërkohë që një qytetar ka humbur jetën si pasojë e virusit. Ndërkohë, sipas të dhënave janë shëruar 47 persona.
Njoftimi i plotë:
Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 19.538 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 559.007 doza të vaksinës.
Deri më sot 202.647 qytetarë janë vaksinuar me dozën e dytë.
Nga 9.169 testime, 1.370 qytetarë kanë rezultuar pozitiv me virusin COVID-19.
Gjatë 24 orëve të fundit, është shënuar 1 rast i vdekjes.
Sot janë shëruar 47 qytetarë, derisa numri i përgjithshëm i të shëruarve është 106.056.
Në total numri i rasteve aktive është 6.815.
