Përmbytjet në Turqi i kanë marrë jetën 31 personave deri më tani ndërsa 1.700 persona janë evakuar me ndihmën e helikopterëve në zonat e përmbytura.
Mediat turke bëjnë me dije se 29 prej viktimave kanë humbur jetën në Kastamonu në bregdetin e Detit të Zi ndërsa 2 persona në provincën fqinje të Sinopit. Autoritetet vazhdojnë operacionet e kërkim shpëtimit por është mjaft i vështirë depërtimi në këto zona për shkak të nivelit të lartë të ujit.
Presidenti i vendit, Receep Tayip Erdogan ka vizituar ditën e sotme zonat e prekura dhe ka shprehur keqardhjen e tij për jetët e humbura.
“Dhimbja juaj është dhimbja jonë. Shteti është me ju me të gjitha mjetet e tij”- tha Erdogan.
Shumë banorë janë shprehur të ‘irrituar’ kundër qeverisë pasi sipas tyre nuk mori masat e duhura për të parandaluar humbjet e jetëve të paktën. Akualisht reshjet janë ndërprerë, por meteorologët parashikojnë situatë të vështirë pasi në ditët në vazhdim parashikohet shi intensiv në disa qytete të vendit. Turqia prej më shumë se dy javësh u përball me vatra të mëdha zjarresh të cilat shkaktuan tetë viktima si dhe dogjën mijëra hektarë pyje.
