Dragan Markovic, politikan serb, propozoi dje nomimin e Aleksandar Vuçiç, Zoran Zaev dhe Edi Ramës për çmimin “Nobel për Paqe”.
Propozimin e tij Markoviç e mbështet në nismën “Open Balkan” e cila mbështetet nga Presidenti serb, si dhe Kryeministrat e Shqipërisë dhe Maqedonisë së Veriut, të cilën politikani serb e konsideron si marrëveshjen më të rëndësishme në 70 vitet e fundit.
Ai thotë se ku ka ekonomi të lidhur, nuk ka luftë dhe mbi të gjitha marrëveshja siguron paqe mes serbëve dhe shqiptarëve.
“Aty ku ekonomia është e lidhur, nuk ka luftë. Marrëveshja “Ballkani i Hapur” sot siguron kalim falas të njerëzve dhe mallrave, por mbi të gjitha siguron paqe në këtë fushë, veçanërisht midis serbëve dhe shqiptarëve, dhe kjo është arsyeja pse presidenti serb Aleksandër Vuçiç dhe kryeministrat shqiptarë dhe maqedonas verior Zoran Zaev dhe Edi Rama meritojnë Çmimin Nobel për Paqe”, deklaroi Markoviç.
Lidhur me propozimin e Markoviç ka reaguar në një postim në rrjetet sociale, ish-Kryeministri Sali Berisha, i cili shkruan se “krushku i parë i Arkanit, xhelatit serb të Kosovës propozon patronin dhe argatin e tij dmth Vuçiçin dhe Ramën për Çmimin Nobel!!”.
