Sulm me armë në Angli, raportohet për shumë viktima

Një sulm me armë ka ndodhur mbrëmjen e sotme në Plymouth, Angli duke shkaktuar shumë viktima.

Lajmi u bë i ditur nga mediat britanike të cilat nuk raportuan numrin e saktë të viktimave.

Gjithashtu pretendohet se autori është qëlluar, por nuk është e qartë nëse kjo është bërë vetë ose nga oficerë të armatosur.

Johnny Mercer, një deputet konservator lokal, me një postim në Twitter tha se nuk është një sulm terrorist, por është një ngjarje tragjike dhe e rëndë.

“Ne i jemi përgjigjur incidentit me një numër të konsiderueshëm burimesh, duke përfshirë Ekipin e Reagimit të Emergjencave (HART), shumë ambulanca, ambulancë ajrore, shumë mjekë dhe infermierë,” tha Shërbimi i Ambulancës Jugperëndimore , duke shtuar se do të siguronte më shumë informacion më vonë.