Në Korenë e Jugut janë shënuar dy rastet e para me variantin “Delta Plus”. Lajmin e dha Agjencia e Kontrollit dhe Parandalimit të Sëmundjeve në këtë vend, duke bërë me dije se rasti i parë ishte një 40-vjeçar.
Sipas mediave vendase, ky person kishte udhëtuar, ku dhe dyshohet ta ketë marrë këtë variant të ri të Covid-19. Ndërkohë që rasti i dytë është gjetur tek një person që kishte marrë vaksinën, ndërsa ishte kthyer nga një udhëtim në SHBA.
“Delta Plus’ ka pothuajse të njëjtin kod gjenetik si varianti origjinal ‘Delta’, por ndryshon, sepse ‘Delta Plus’ ka mutacione që janë vërtetuar edhe në variantin ‘Beta’, i cili u zbulua më parë në Afrikën e Jugut. Ky mutacion mendohet se jep njëfarë rezistence në trajtimin e antitrupave monoklonalë që u jepen njerëzve të prekur rëndë nga COVID-19. Ekspertët pohojnë se këto viruse nuk janë ende një kërcënim për njerëzimin.
