Nga Boldnews.al
Pas një kompjuteri, kryeministri ynë Edi Rama bëhet edhe një herë trim kur nis një batare fyerjesh, batuta të rëndomta dhe akuza për Ramush Haradinajn, Albin Kurtin por edhe qytetaerët e Kosvës. E quan veten si “patriot” pasi thotë se e ngriti ëështjen e Kosovës në mes të Beogradit, por ajo vizitë e parë e Ramës në Beograd ishte inskenuar të ndodhte, pasi pas potureve patriotike u fsheh tradhtia, ose idiotësia.
Sot Ramush Haradinaj reagoi, ashtu thjesht, pa doza idiotësie batutash, pa kamuflim perversiteti Rilindjeje, por fort i drejtëpërdrejtë, ndonëse fjalët dhembin edhe më shumë se plaga e luftës së Kosovës.
“Mendoj se në atë kohë ai ka qenë i rreshtuar gabim, pra për ndarjen e Kosovës për hapjen e kufijve të Kosovës, sigurisht që mjaft e rrezikshme për Ballkanin dhe do të na dërgonte në luftëra të reja. Jam detyruar t’i mbroj arat nga vëllai im Edi Rama”, tha Haradinaj.
Kjo është e vërteta që të trishton dhe që Rama e hap çdo ditë, me mikun e tij Vuçiç, që nuk ka nevojë të dërgojë ushtri në Kosovë, as të përdorë shërbimin sekret, dhe as të nxisë ekstremistët në Veriun e Mitrovicës për të trazuar shtetin më të ri në botë. Ai ka Edi Ramën që bën gjithçka. Atë që Serbia nuk e mori me luftë dhe masakra po ia ofron për fatin tonë të keq kryeministri ynë.
Ideja e “korrigjimit të kufijve”, ishte një nismë e treshës Vuçiç-Rama-Thaçi. Ndërsa Thaçi ndodhet në Hagë, sepse pikërisht kur po bëhej gati të nëshkruante këtë marrëveshje avioni i tij u kthye për të përfunduar me pa të drejtë i akuzuar për “krime lufte”.
Por Rama nuk heq dorë. Nënshkroi marrëveshjen për “Ballkanin e Hapur” me Vuçiç dhe Zaev, duke lënë të ndarë Kosovën, Malin e Zi dhe Bosnjen. Serbisë i dha një “dalje në Detin Adriatik”, që e ka kërkuar me shekuj dhe për ti arritur zhvilluan luftëra, duke masakruar edhe gra e fëmijë në djep.
Po sot për Ramën, Kosova është “armikja e propagandës” së tij. Ajo nuk kupton, as qytetarët e thjesht dhe as politikanët, ndërsa ai është “vizionari” që në katër vitet e fundit marrëdhëniet zyrtare Tiranë-Prishtinë i ka kthyer gati në “luftë të ftohtë”.
Kur ra tërmeti më 26 nëntor 2019 në vendin tonë, të parët që erdhën ishin forcat e Kosvës, me të gjithë mjetet dhe specialistët. Nuk erdhën këtu vetëm për imazh, por me shpirt, duke u shkrirë njësh me ekipet tona të shpëtimit dhe derdhur lot njësoj si të gjithë për fatkeqësinë që preku vendin.
Në Kosovë u mbajtën me dhjetëra emisione ndihme, ku qytetarët me lot në sy dhe më lutje në buzë jepnin ndihmë sa mundnin dhe uronin për sa më pak viktima.
Ra zjarri e sërish të parët ishin forcat nga Kosova, që nuk e quajnë se po kalojnë në shtetin tjetër, por në dheun e tyre, që një politikan haluçinativ i cili tund çelësat e Kryeministrisë u ka vënë traun në rrugë, ndërsa tregtarëve dhe qytetarëve serb u ka hequr çdo kufi.
Arat duhen ruajtuar edhe këtu tek ne që e mbajmë mbi shpinë edhe kur rrëmben mandatin e tretë. Sytë i ka të errësuar dhe vështirë të shikojë të vertetën, pasi vizioni i tij nuk është Brukseli, por Beogradi që bën festë për jetëgjatësinë politike të Ramës.
