Një 63-vjeçar u arrestua nga Policia e Lushnjes me akuzën e shkatërrimit të pronës me zjarr.
Bajram Kalari u fut në telashe pas një zjarri që ndezi për djegien e mbeturinave në krah të rrugës Lushnjë – Rrogozhinë.
Por duket se edhe për shkak të erës flakët janë përhapur dhe situata i ka dalë jashtë kontrollit të moshuarit. Flakët kanë rrezikuar djegien e disa ambienteve afër, që shërbejnë si biznese apo banesa.
Policia e ka arrestuar në moment Bajram Kalarin, 63 me akuzën e shkatërrimit të pronës me zjarr.
