Kjo mund të jetë vera e çmendur lidhur me tranferimet e lojtarëve me parametra zero nga një ekip në tjetrin, dhe padyshim më e vecanta mbetet kalimi i Leo Messit nga Barcelona te PSG, me një kosto 0.
Transfermarkt ka publikuar edhe formacionin me emrat e mëdhenj dhe të njohur që kaluan nga njëra skuadër te tjetra. Mes tyre është edhe Elseid Hysaj, që kaloi te Lazio.
Formacioni i publikuar nga Transfermarkt vlen 388 mln euro, ku Messi kryeson me 80 mln, ndërsa Hysaj vlerësohet në kuotën e 13 mln euro.
Në formacionin e “top” transferimeve me parametra zero janë edhe David Alaba (55 milion euro), i cili kaloi te Real Madrid, Hakan Calhanoglu (35 milion euro) që la Milanin për Interin dhe Florian Thauvin (17 milion euro) që refuzoi oferta në Europë për Tigres në Meksikë.
