Ish-Kryeministri Sali Berisha ka publikuar në rrjetet sociale denoncimin e kompanisë “Malësia Solar”, e cila pretendon se po i mbahet i bllokuar një projekt për parkun fotovoltaik me panele diellore, pasi nuk ka pranuar të paguajë një shumë prej 3 %, si “taksë rryshfeti”.
Referuar mesazhit, në një kohë që ligji parashikon taksën e infrastrukturës 0.1 %, kompanisë në fjalë i është thënë të paguajë 3 %, ndërsa leja e miratuar më 28 korrik 2016 është mbajtur peng nga Kryebashkiaku i Malësisë së Madhe dhe më pas nga Sekretari i Përgjithshëm i Këshillit të Ministrave, Engjëll Agaçi.
Në denoncimin e saj kompania thotë se pas 18 muajsh, më 13 janar 2018, u dakordësua pagesa e taksës së infrastrukturës sikundër e parashikon ligji, pra 0.1 %, ndërkohë që pavarësisht pagesave të taksave, leja ende nuk është zbardhur.
Në mesazhin drejtuar Berishës thuhet se dosja është në zyrën e Agaçit, i cili nuk ia dërgon Kryeministrit për firmë, ndërsa projekti parashikon punësimin e të paktën 50 personave. Kompania akuzon Kryebashkiakun e Malësisë së Madhe Tonin Marinaj se po bllokon gjithçka përmes Engjëll Agaçit, pasi nuk ka marrë rryshfetin e kërkuar.
Denoncimi i publikuar nga Berisha
Kjo eshte klima e investimeve!
Ryshfeti bllokon prej vitesh investimin.
Narkoshteti nuk njeh ligj as rregull!
Don Agaçio pret ryshfet!
Lexoni denoncimin e qytetarit dixhital! sb
Pershendetje. Doktor ,deshirojm te jeni mir na falni per shqetesimin neve qe po ju shkruajm jemi nje kompani kemi nje projekt per ndertimin e nje parku fotovoltaik me panele diellore 7.5mw. Me daten 28 korrik 2016 na esht miratur leja perfundimtare nga KKT por kemi pasur nje problem me Bashkin M.Madhe per sistemimin e takses se infrasktures sepse ligji e kishte 0.1% kurse keta te fundit kerkonin 3% mbas 18 muajve e zgjidhme kyt problem dhe paguajtem taksen sic e kishte ligji e jo sa kerkonte Bashkia.
Me daten 13 janar 2018 kemi paguar taksen e infrasktures dhe akoma nuk na edhte zbardhur leja , kemi paguar te gjitha detyrimen ndaj shteti ne biznesin qe pretendojm te ndertojm do te punesohen mbi 50 persona. Dosja jon esht ne zyren e Engjell Agaçi dhe nuk ja dergon kryeministrit per firm sepse e bllokon me urdher te Tonin Marinajt sepse nuk i kemi dhen rryshfet.
Me rrespekt Malesia solar 1,2,3. Dedaj shkrel M,Madhe.
