Një shqiptar u arrestua nga policia greke me akuzën e vrasjes së një 60 vjeçari, i identifikuar si Costas Tsachalou. Ngjarja ka ndodhur më 27 korrik në banesën e viktimës, ndërsa dyshohet se 47-vjeçari shqiptar, kishte shkuar për ta grabitur.
Sipas mediave greke, 47 vjeçari hyri në shtëpinë e Tsachalou, i cili punonte si taksist, dhe e goditi brutalisht në kokë me këmbën e karriges, duke i çarë kafkën e kokës.
Polica greke kontrolluan shtëpinë e tij dhe gjetën një karrige prej druri ngjyrë kafe të cilës i mungonte një nga dy këmbët e para.
Këmba tjetër të cilën autori e përdori për të vrarë 60 vjeçarin u gjet pranë shtëpisë së viktimës dhe mbi të kishte gjurmë të dukshme gjaku.
Gjithashtu është gjetur dhe motori me të cilin shqiptari kreu krimin.
Gjatë kontrollit fizik të 47 vjeçarit u gjetën 28 kartmonedha të koleksionuar nga dhramit e vjetra greke, 21 monedha të vjetra të koleksionuar të Gjermanisë, Holandës, Kanadas, Francës, Italisë, 195 euro dhe një celular.
Kartëmonedhat e dhrahmisë u identifikuan pa rezerva nga një i afërm i viktimës, i cili deklaroi se i përkisnin taksistit 60-vjeçar.
Tashmë ndaj shqiptarit rëndojnë akuzat e vrasjes me dashje, grabitje dhe vjedhje.
