Një përdoruese e aplikacionit “TikTok”, ka rrëfyer me anë të një videoje se ka parë UFO në kopshtin e shtëpisë së saj. Ally Murray publikoi një video të “shtëpisë” së ufove në “TikTok” më 15 korrik, e cila tashmë është bërë virale, shkruan “It’s Gone Viral”.
Vajza nga Arizona e SHBA-së, tërhoqi vëmendjen e të gjithëve kur pyeti njerëzit nëse ata e njihnin objektin në formë disku që qëndronte në oborrin e saj. Në videon e parë më shumë se 2.5 milionë herë, Ally qëndron në një ambient që duket si pyll, teksa tregon objektin.
“Nëse kemi këtu njerëz të teorive të komplotit në ‘TikTok’, mendoj se do të ishte i interesuar për UFO-në që sapo gjeta në oborrin tim,”- tha ajo.
