Një fëmijë 4-vjeçar, me origjinë algjeriane, por banues në Francë është shpëtuar së fundmi nga një shqiptar pasi po rrezikonte të mbytej.
Ngjarja mësohet të ketë ndodhur ditën e djeshme, rreth orës 18:45, në zonën e plazhit që korrespondon me piazetta Casabianca al Mare, ku 4-vjeçari i shpëtoi vëmendjes së prindërve dhe u fut në det.
Sipas mediave të huaja mësohet se 40-vjeçari shqiptar menjëherë sapo pa të miturin i cili ndodhej në vështirësi u fut për ta shpëtuar atë.
“Prindërit ishin disa metra larg dhe ata nuk e kuptuan se çfarë po ndodhte. Kështu e mora foshnjën në krahë dhe me ndihmën e një zonje e nxora në breg”, është shprehur ai.
Ndërkohë raportohet se sapo ka dalë në breg forcat e shpëtimit kanë ndërhyrë për të qetësuar të miturin i cili kishte pirë shumë ujë.
